Eph 1 | PONPDN | STEP | PAULUS wanporon en Iesus Kristus amen pan kupur en Kot on me saraui o lelapok kan ren Kristus Iesus me mi Episus.

Ephesians 1

1 PAULUS wanporon en Iesus Kristus amen pan kupur en Kot on me saraui o lelapok kan ren Kristus Iesus me mi Episus. 2 Mak o popol san ren Kot Sam atail o atail Kaun Iesus Kristus en mi re omail! 3 Meid iasanai Kot o Sam en atail Kaun Iesus Kristus, me kapaia kin kitail lar son en pai nenin karos san nanlan ren Kristus. 4 A kotin pil kitail dar re a, mon sappa saikenta pasondier, pwe kitail en saraui o minla mo a ni limpok. 5 Me pil kileledier, me kitail, en wiala sapwilim a seri ki Iesus Kristus, duen a kotin kupura mauki. 6 Pwen kalinanada a mak lapalap, me a kotin make kin kitail ren Kompoke pa a, 7 Me kotin dore kin kitail la nta o lapwadan dip akan ki a mak lapalap. 8 Me a kotiki on kitail ni son en lolekon o koiok karos, 9 Ni a kotin diarok on kitail er me rir en kupur a duen a kotin kupuramauki o duen a kileledier ren pein i. 10 Pwen pwaida ansau lao leler en wisik penan tapwi ta ieu meakaros, ren Kristus, men nanlan kan o men sappa kan on pein i. 11 Me pil kare on kitail soso eu, kitail me kileledier duen kupur en i, me kin wiada meakan karos, duen a kotin kupura, 12 Pwe kitail en wiala men kalinanada i, kitail, me kaporoporeki Kristus, 13 Me komail pil kaporoporeki murin omail roner mas an en melel o ronamau en kamaur; me pil kilele komail kidier Nen saraui en inau, ni omail posonlar. 14 lei men kamelele en atail soso, lao lel ansau en atail konodi maur soutuk, pwen wiala sapwilim en Kot o men kapina a linan. 15 Ari, i lao ronadar duen omail poson Kaun Iesus o duen omail limpok on saraui kan karos, 16 I sota kin dukedi san ai danke pweki komail, o i kin tamatamanda komail ni ai kapakap akan; 17 Pwe Kot en atail Kaun Iesus Kristus, Sam en linan, en kotiki on komail nen en erpit o kaudial, pwen asada i, 18 O kotin kamaraini mas en monion omail, pwe komail en kak dedeki kaporopor en omail paeker, o linan laud en soso, me onoper on saraui kan, 19 O a manaman kaualap on kitail, me posonlar, duen a dodok manaman, 20 Me a kotin kasansaledar ren Kristus ni a kotin kaiasada i san ren me melar akan, ap kasapwiladan pali maun nanlan, 21 Ilela san meakan karos, o manaman karos, o kelail o men poa kan o mar karos, kaidin ni muei wet eta, pwe pil ni muei kokodo. 22 O a kotiki on meakaros pan aluwilu a kan, o kotin kasapwiladan tapwin meakaros ren momodisou, 23 lei war a, iei kadir pan me kadirela meakaros.